Урачыстасць пачалася святой Імшой у парафіі Св. Казіміра і св. Ядзвігі.
“Тое, што заўсёды хвалявала чалавецтва — гэта недахоп справядлівасці паміж людзьмі, паміж калектывамі, паміж народамі. Адсутнасць справядлівасці была і застаецца прычынай канфліктаў і войнаў аж да сённяшняга дня” – заўважыў біскуп Аляксандр.
Пасля Эўхарыстыі і ўступнай малітвы перад капліцай вырушыла сумесная працэсія ў у кірунку магілёўскай катэдры.
А 11-й гадзіне працэсія прыбыла да катэдры. Біскуп Аляксандр Яшэўскі, звяртаючыся да вернікаў, падкрэсліў: “Сённяшні дзень, калі з прывілею Святога Айца ў нашай старажытнай і спакутаванай рознымі пераследамі магілёўскай катэдры я адчыняю дзверы, як “Браму Божай Міласэрнасці” для нашых умілаваных жыхароў Магілёўшчыны, паказвае нам на сапраўдную справядлівасць — Божую справядлівасць, якая з’яўляецца сапраўднай, бо звязана з Божай міласэрнасцю і Божым прабачэннем”.
Напрыканцы святой Імшы, якая адбылася адразу пасля адкрыцця Брамы Міласэрнасці, на моцы прывілею, удзеленага Папам Францішкам усім біскупам на гэты дзень, біскуп Аляксандр Яшэўскі ўдзяліў поўны адпуст і апостальскае благаслаўленне.
View the embedded image gallery online at:
http://www.mohylev-katolik.by/index.php/item/281-brama-milasernastsi-adchynena-magiljove#sigProGalleriae1605f80ec
